2025 жылдың 4 маусымында №17 мектеп жанындағы «Балдырған» жазғы демалыс лагері аясында демалушылар үшін көңілді әрі танымдық мәдени іс-шара ұйымдастырылды. Балалар қаладағы «Дастан» кинотеатрына барып, әлемге әйгілі «Лило және Стич» анимациялық фильмін тамашалап қайтты.

Фильм балалардың үлкен қызығушылығын тудырды. Көңілді сюжет пен достық, отбасылық құндылықтар туралы ой қозғайтын оқиға лагерь тәрбиеленушілеріне ерекше әсер сыйлады. Балалар экрандағы оқиғаларды ынта-ықыласпен бақылап, фильм кейіпкерлерімен бірге күліп, кейде толқып отырды.

Киносапардың басты мақсаты – балалардың бос уақытын тиімді ұйымдастырып, эстетикалық талғамын қалыптастыру, жағымды эмоциялар сыйлау болды. Сапар соңында балалар өз әсерлерімен бөлісіп, ұнаған сәттері туралы әңгімеледі.

Мұндай шаралар оқушылардың жазғы демалысын мазмұнды өткізуге және ұжымдық қарым-қатынасты нығайтуға ықпал етеді.

2025 жылдың 3 маусымында №17 мектебі жанындағы «Балдырған» жазғы демалыс лагері аясында бастауыш сынып оқушыларына арналған Абай мұражайына танымдық саяхат ұйымдастырылды.

Сапардың мақсаты – оқушыларға қазақ халқының ұлы ақыны, ойшылы Абай Құнанбайұлының өмірі мен шығармашылығын таныстыру, тарихи-мәдени мұраны дәріптеу арқылы патриоттық тәрбие беру.

Мұражайда балалар Абайдың өмір жолы, отбасы, шығармалары, қолданған заттары мен сол кезеңнің тұрмыс-тіршілігі жайлы мол мағлұмат алды. Экскурсия жетекшілері балалардың қызығушылығын оятып, ақын шығармалары бойынша қызықты мәліметтермен бөлісті.

Іс-шара соңында оқушылар алған әсерлерімен бөлісіп, өздеріне ұнаған жәдігерлер жайлы әңгімеледі. Бұл саяхат балалардың тарихи санасын қалыптастырып, мәдени дүниетанымын кеңейтуге үлкен септігін тигізді.

2025 жылдың 30 мамырында №17 мектеп жанындағы «Балдырған» жазғы лагері Мемлекеттік рәміздер күнін атап өтті. Бұл күн – әрбір қазақстандық үшін Отанға деген сүйіспеншілік пен патриотизмнің символы.

Іс-шара таңертең Мемлекеттік Ту көтеріліп, Әнұран орындалумен басталды. Оқушыларға Қазақстан Республикасының Мемлекеттік рәміздерінің тарихы мен мәні туралы ақпарат беріліп, викториналық сұрақтар ұйымдастырылды. Балалар өз қолдарымен ту бейнесіндегі аппликациялар жасап, патриоттық әндер шырқап, флешмобқа қатысты.

Мерекелік іс-шарадан кейін лагерь тәрбиеленушілері қалалық биологиялық орталыққа экскурсияға барды. Балалар түрлі жануарлармен танысып, өсімдіктер әлемін тамашалады. Бұл сапар балалардың табиғатқа деген қызығушылығын арттырып, экологиялық мәдениетін дамытуға ықпал етті.

Оқушылар ерекше әсермен оралды. Рәміздерге құрмет пен табиғатқа сүйіспеншілік дарытқан бұл күн олардың жадында ұзақ сақталары анық.

• Ұжымдық шығармашылық іс-әрекет.
• Экскурсиялар.
• Мәдениет мекемелеріне экскурсиялар.
• Жарыстар мен конкурстық бағдарламалар.
• Спорттық жарыстар мен ашық ойындар.
• Мерекелер.
• Кітаптар мен журналдарды оқу.
• Бейнелерді көру.
• Әңгімелер.
• Лагерьдегі дене шынықтыру және сауықтыру жұмыстары келесі шараларды қамтыды:
• таңертеңгілік жаттығулар;
• дене шынықтыру және спорт;
• жасақ серуендейді;
• спорттық жарыстар мен мерекелер.

Балалардың денсаулығын жақсарту мақсатында балалардың мүмкіндігінше таза ауада уақыт өткізіп, ашық ауада ойындар ойнауы міндетті шарт болды. Лагерь ауысымында келесі спорттық-сауықтыру шаралары өткізілді:

• «Көңілді старт»
• «Спортты сүю – мықты және салауатты өмір сүру» атты спорттық эстафета.
• «Спорт денсаулық кепілі» атты спорттық ойын-байқауы

Лагерьде патриоттық, адамгершілік, эстетикалық және экологиялық тәрбиеге көп көңіл бөлінді. Экологиялық мереке мен сурет байқауы экологиялық тәрбиеге өз үлесін қосты.

   Жазғы лагерьде балалардың жол-көлік жарақатының алдын алу бойынша жұмыстар жүргізілді: «Көбейту кестесі сияқты жол ережесін біл!» атты практикалық ойын өткізілді, ойын барысында балалар жол белгілері мен жеке жол ережелерінің мақсатын қайталады

Жазғы сауықтыру лагерінің балалары үшін мектеп асханасында толыққанды тамақтану ұйымдастырылды. Мұнда аспазшылар тынымсыз еңбек етті.Балалар дәмді тағам үшін аспазшыларға алғыстарын білдірді. Бұдан бұрын биологиялық орталығына барып, оқушылар түрлі жануарлармен және өсімдіктермен танысты. Экскурсиялармен түрлі ойындар өткізілді. 

Невзоровтар отбасы атындағы мұражай және өлкетану мұражайларында болдық, ол жерде оқушылар үшін экскурсиялармен квэст ойындар өткізілді. Көптеген тарихи эскпонаттармен танысып, кітаптүрлі оқиғалар тындап қайттық. 

Абай кітапханасындағы ағылшын тіліндегі лагерьде болдық, онда түрлі танымды ойындармен қуыршақ театрлары өткізілді. Кейін «Дастан» кинотеатрнда, мультфильм көруге бардық. Оқушылардын күні қызықты өтті.

Оқушылардын сауықтыру лагерінде өткізген уақыты оларға өте ұнады және, әрине, есте қалды. Олар оны өздерінің және денсаулықтарының пайдасына жұмсады. Қорытындылай келе, балалар лагерьде болған әрбір күні белсенділікке және көңілді көңіл-күйге, денсаулық пен жағымды эмоцияларға толы болғанын атап өтті. Маусым басында қойылған міндеттерді ұстаздар толық орындады деп толық айта аламыз.