Балалар мәдени мұрамен танысты

Мектеп жанындағы «Балдырған» жазғы лагерь балалары “Невзоровтар отбасы атындағы бейнелеу өнері музейіне” танымдық саяхат жасады. Бұл іс-шара балалардың мәдени сауатын арттыру, өнерге қызығушылығын ояту мақсатында ұйымдастырылды.
Саяхат барысында балалар қазақ және әлем өнерінің классиктерімен, заманауи суретшілердің туындыларымен танысты. Мұражай қызметкерлері экскурсия жүргізіп, әрбір залдағы туындылар туралы қызықты мәліметтер айтып берді. Балалар тарихи және көркем суреттерді тамашалап, өнер туындыларының жасалу тарихымен танысты.
Іс-шара балаларға эстетикалық тәрбие беріп қана қоймай, туған өлкеміздің мәдени мұрасы туралы білімдерін кеңейтті. Лагерь тәрбиешілерінің айтуынша, мұндай экскурсиялар балалардың дүниетанымын арттырып, олардың шығармашылық қабілеттерін дамытуға ықпал етеді.