Ұлттық құндылықтар – тәрбиенің қайнар көзі: №17 мектеп облыстық семинарға қатысты
Семей қаласы, 2025 жылғы 5 желтоқсан – Бүгін Абай облысында білім беру саласын дамыту және жас ұрпаққа ұлттық тәрбие беру мәселелеріне арналған "Ұлттық құндылықтар – тәрбиенің қайнар көзі" атты ауқымды облыстық семинар өтті. Абай облысы Білім басқармасы ұйымдастырған шараға облыстың барлық аудандарынан келген педагогтар, әдіскерлер және білім беру мекемелерінің басшылары қатысты.
Жиынның басты мақсаты – ұлттық құндылықтарды оқу-тәрбие үрдісіне тиімді енгізудің жаңа механизмдерін талқылау және озық тәжірибемен алмасу болды.
Семинар барысында екі негізгі бағытқа басымдық берілді:
Отбасылық тәрбие: "Асыл әже" және "Әкелер кеңесі" институттарын жандандыру, мектеп пен ата-ана байланысын нығайту.
Білім мазмұны: Гуманитарлық пәндер арқылы оқушылар бойына патриотизм мен еңбекқорлықты сіңіру.
Аталмыш шараға №17 жалпы орта білім беретін мектептің атынан директордың тәрбие ісі жөніндегі орынбасары Мухамеджданова Эльмира Хасеновна қатысып, әріптестерімен тәжірибе алмасты. Мектебіміздің өкілі ұлттық тәрбие бағытындағы жаңашыл бастамалармен танысып, алдағы уақытта мектеп қабырғасында жүзеге асырылатын жобалар бойынша тың ойлармен бөлісті.
Бұл семинар – өскелең ұрпақты ұлттық рухта тәрбиелеудегі маңызды қадамдардың бірі.