«Наурыз – Ұлыстың ұлы күні» атты мерекелік іс-шара сайыс түрінде өткізілді

Мектебіміздің 9 «А» сыныбында «Наурыз – Ұлыстың ұлы күні» атты мерекелік іс-шара сайыс түрінде өткізілді. Аталған шараға оқушылар белсене қатысып, өз білімдері мен өнерлерін ортаға салды.
Сайыс барысында қатысушылар бірнеше кезең бойынша бақ сынады. Олар Наурыз мерекесінің тарихы, ұлттық салт-дәстүрлер мен әдет-ғұрыптар туралы сұрақтарға жауап беріп, шығармашылық тапсырмалар орындады. Сонымен қатар, ұлттық ойындар ойналып, ән мен би арқылы өнерлері көрсетілді.
Сайыс нәтижесінде оқушылардың тапқырлығы, білім деңгейі және шығармашылық қабілеттері бағаланып, үздік қатысушылар марапатталды.
Іс-шараның мақсаты:
Оқушыларға Наурыз мейрамының маңызын терең түсіндіру, ұлттық салт-дәстүрлерді насихаттау, білімдерін шыңдау, шығармашылық қабілеттерін дамыту және ұйымшылдық пен достық қарым-қатынасты нығайту.