10 «А» сыныбында 8 Наурыз – Халықаралық әйелдер күніне арналған сынып сағаты өтті

Мектепте 10 «А» сыныбында 8 Наурыз – Халықаралық әйелдер күніне орай ерекше әрі әсерлі сынып сағаты ұйымдастырылды. Іс-шараның мақсаты – қыз балаларға құрмет көрсету, олардың қоғамдағы орнын бағалау және мерекелік көңіл-күй сыйлау болды.

Сынып сағаты барысында қыздардың әкелері мен ағалары мектепке арнайы келіп, қыздарға құшақ-құшақ гүлдер табыс етті. Бұл көрініс өте әсерлі болып, қатысушылардың көңіліне ерекше жылулық сыйлады. Қыздар мұндай тосын сыйға қатты қуанып, мерекелік көңіл-күйге бөленді.

Сонымен қатар сыныптағы ұл балалар да қыздарға арнап сыйлықтар табыстап, өздерінің жылы лебіздерін білдірді. Іс-шара барысында сыйластық пен достықтың үлгісі көрсетіліп, барлығы көтеріңкі көңіл күймен тарқасты.

Осындай тәрбиелік мәні зор сынып сағаттары оқушылардың бір-біріне деген құрметін арттырып, мектеп өмірін одан әрі жандандыра түседі.