Жазғы демалыс кезіндегі балалар қауіпсіздігі – басты назарда

Жазғы демалыс кезіндегі балалар қауіпсіздігі – басты назарда
Мектебімізде ата-аналар жиналысы өткізіліп, жазғы демалыс кезеңіндегі оқушылардың қауіпсіздігі мәселелері талқыланды. Жиналыстың негізгі мақсаты – балалардың жаз мезгіліндегі бос уақытын тиімді ұйымдастыру және түрлі қауіп-қатердің алдын алу.
Кездесу барысында ата-аналарға судағы қауіпсіздік ережелері, жолда жүру мәдениеті, өрт қауіпсіздігі, интернеттегі қауіпсіздік және балалардың қараусыз қалмауы жөнінде маңызды ақпараттар берілді. Сонымен қатар, күннің ыстық уақытында сақтық шараларын сақтау, табиғат аясындағы демалыс кезінде қауіпсіздік талаптарын орындау қажеттігі ескертілді.
Мектеп әкімшілігі ата-аналарды балалардың күн тәртібін бақылауға, олардың қайда және кіммен жүргеніне назар аударуға шақырды. Балалардың қауіпсіздігі – ата-ана мен мектептің ортақ жауапкершілігі екені атап өтілді.
Жазғы демалыс барлық оқушы үшін қызықты, пайдалы әрі қауіпсіз өтуіне тілектеспіз!