5 «Ә» сыныбында «Буллингтен қорған!» тақырыбында тәрбие сағаты өткізілді.

Оқу жұмысының айлық жоспары аясында, «Заң және тәртіп» бағыты бойынша 5 «Ә» сыныбында «Буллингтен қорған!» тақырыбында тәрбие сағаты өткізілді.

Іс-шараның мақсаты – оқушыларға буллингтің түрлері мен салдарын түсіндіру, бір-біріне құрметпен қарауға, өз құқықтарын қорғауға және қиын жағдайда көмек сұрай білуге үйрету. Тәрбие сағаты барысында оқушылар белсенді қатысып, өз ойларын ортаға салды, өмірлік жағдаяттар талқыланды.

Сонымен қатар, оқушылар буллингке қарсы бағытталған арнайы видеоролик түсіріп, өздерінің бұл мәселеге бейжай қарамайтынын көрсетті. Видеода достық, қолдау, сыйластық құндылықтары насихатталды.