Абай облысында пән мұғалімдерінің ІІІ облыстық форумы өтті

Абай облысы педагогтеріне арналған дәстүрлі «Сапалы білім: стратегия, инновация және тәжірибе» III облыстық форумы өз деңгейінде өтті.

Форумның басты мақсаты – педагогтердің кәсіби және тұлғалық дамуына қолдау көрсету, білім беру сапасын арттыруға бағытталған тиімді стратегиялар мен заманауи тәжірибелерді талқылау болды.

Секциялық отырыстар барысында педагогтер өз пәні аясында тәжірибе алмасып, кәсіби дамуға бағытталған шешімдер мен жаңа тәсілдерді, тиімді әдістерді ортаға салды.

Осы маңызды шарада мектебіміздің педагог-ассистенті Байжуманова Ботагөз Мамытқановна өз іс-тәжірибесімен бөлісіп, әріптестерімен тәжірибе алмасты. Бұл – ұжымымыз үшін үлкен мақтаныш.

Әріптесімізді құттықтаймыз! Шығармашылық табыс пен кәсіби биіктер тілейміз!