«Туған өлке – тарих пен мәдениеттің алтын діңгегі»

2025 жылдың 2 мамыр күні 8–10 сынып оқушылары біртұтас тәрбие жоспары аясында Павлодар қаласына танымдық-мәдени сапар жасады. Бұл іс-шара «Туған елге тағзым» бағыты бойынша жүзеге асырылды және оқушылардың тарихи сана-сезімін, патриоттық рухын арттыруға бағытталды.

Сапар барысында оқушылар Павлодар облыстық тарихи-өлкетану музейінде болып, Сұлтанмахмұт Торайғыров, Қаныш Сәтбаев, Мәшһүр Жүсіп Көпейұлы сияқты ұлы тұлғалардың өмірі мен еңбектерімен танысты. Сондай-ақ Ертіс өзені жағалауындағы экологиялық аймақтарды аралап, қаланың сәулет ерекшелігі мен мәдени келбетін зерттеді.

Бағдарлама аясында «Рухани жаңғыру» орталығына арнайы экскурсия ұйымдастырылып, оқушылар ұлттық құндылықтарды сақтаудың маңызы туралы мағлұмат алды.