Біздің мектепте 11-сыныптар арасында «Qarzhy Sagshysy» облыстық челленджі өтті

Абай облысы білім басқармасының «Дарындылық пен қосымша білім беруді дамытудың облыстық ғылыми-әдістемелік орталығы» ұйымдастырған «Qarzhy Sagshysy» компьютерлік ойыны бойынша облыстық челленджге мектебіміздің 11-сынып оқушылары белсенді қатысты.

Шараның негізгі мақсаты — бітіруші сыныптардың қаржылық сауаттылығын, логикалық ойлау қабілетін және цифрлық ортада тиімді жұмыс істеу дағдыларын дамыту. Челлендж шарты бойынша қатысушылар ойын тапсырмаларын орындау барысын 1 минуттық бейне форматында ұсынды.

11-сынып оқушылары тапсырмаларды жауапкершілікпен орындап, жоғары деңгейдегі дайындық пен өздік шешім қабылдау қабілетін көрсетті. Бұл олардың болашақта қаржылық жағынан сауатты, ақпараттық технологияларды еркін меңгерген, бәсекеге қабілетті тұлға ретінде қалыптасуына үлкен үлес қосады.
​https://www.instagram.com/p/DR17-_ejNZg/?utm_source=ig_web_copy_link&igsh=MzRlODBiNWFlZA==​​​