Тең мүмкіндік кеңістігі: ата-аналармен ынтымақтастық

17-орта мектепте инклюзия қолдау кабинетінің ата-аналарға арналған жиналыс өтті. Жиында оқушылардың Абай облысы Білім басқармасының және Шәкәрім университетінің қолдауымен ұйымдастырылған «Инклюзия: тең мүмкіндік кеңістігі» халықаралық көрмесіне қатысу қорытындылары таныстырылды. Шара барысында мектеппен ынтымақтастықта жұмыс жасап келе жатқан ата-аналарға алғыс хаттар табысталды. Инклюзивті білім беруді қолдауда ерекше еңбек етіп жүрген педагог-ассистенттерге сертификаттар ұсынылды.Жиналысқа біздің мектептің түлегінің ата-анасы, «Жарқын Болашақ» орталығының директоры Арайлым Магашевна қатысып, мектеп әкімшілігі мен педагогикалық ұжымға көрсеткен еңбегі мен қолдауы үшін ризашылығын жеткізіп, ата-аналарды да балаларының инклюзивті дамуына қосып жүрген үлестері үшін қолдады. Сонымен қатар, балалардың табысты дамуы мектеп, ата-ана және мамандардың өзара бірлескен жұмысына тікелей байланысты екенін атап өтті. ​https://www.instagram.com/p/DR13nDqDIhX/?utm_source=ig_web_copy_link&igsh=MzRlODBiNWFlZA==​​​