Айзада Болатова таеквондодан күміс жүлдегер атанды!

Мектебіміздің 6 «Б» сынып оқушысы Болатова Айзада Алматы қаласында өткен кәсіби таеквондодан республикалық турнирде жүлделі ІІ орынды иеленді.

Айзада спорттық бәсекеде өзінің мықты дайындығын, қайтпас қайсарлығын және жеңіске деген ерік-жігерін көрсете білді. Кәсіби деңгейдегі спортшылар арасында өткен тартысты жекпе-жектерде ол лайықты өнер көрсетіп, мектебіміздің қоржынына күміс медаль салды.

Бұл жеңіс – Айзаданың тынымсыз еңбегі мен жаттықтырушыларының біліктілігінің жемісі.

Мектеп әкімшілігі мен ұстаздар ұжымы Айзаданы жарқын жеңісімен шын жүректен құттықтайды! Біз сені мақтан тұтамыз және болашақта Әлем ареналарында еліміздің туын желбірететін чемпион болуыңа тілектеспіз!