Оқу жылының I жартыжылдығының қорытындылары

Тілдер айлығы аясында мемлекеттік тілді және көптілділік мәдениетін дәріптеуге бағытталған іс-шаралар өтті. Әдеби кеш, мәнерлеп оқу, диктант, «Қазақшаң қалай, балақай?» сайысы және зияткерлік ойындар ұйымдастырылды.

Оқушылар қазақ, орыс және ағылшын тілдерінде өз білімдерін көрсетіп, шығармашылық қабілеттерін дамытуға мүмкіндік алды. Белсенділік танытқан оқушылар мен мұғалімдер алғыс хаттармен марапатталды.

«Тарихтан тағылым — адал азаматқа жол» тақырыбында тарихшылар онкүндігі өткізілді. Онкүндік аясында ашық сабақтар, тарихи-танымдық ойындар, конференция, дебат, зияткерлік сайыстар және музейдегі танымдық сабақтар ұйымдастырылды.

Оқушылар тарихи деректермен жұмыс жасап, жобалар қорғап, макет жасау сайысына қатысты. Іс-шаралар оқушылардың тарихқа қызығушылығын арттырып, отаншылдық сезімін нығайтты. Белсенді қатысушылар марапатталды.