«Таза мектеп – таза аймақ»: гүлдер мен жасыл желектерге күтім жасау күні

«Таза мектеп – таза аймақ» экологиялық бастамасы аясында мектебімізде гүлдер мен жасыл желектерге күтім жасау күні ұйымдастырылды.

Іс-шараға мектептің эко-белсенділері белсене қатысып, мектеп ауласындағы гүлдер мен жасыл желектерді күтіп-баптау жұмыстарын жүргізді. Оқушылар гүлзарларды ретке келтіріп, өсімдіктерді суарып, айналасын тазалап, мектеп аумағының көркеюіне өз үлестерін қосты.

Шараның негізгі мақсаты – оқушылардың экологиялық мәдениетін қалыптастыру, табиғатқа жанашырлықпен қарауға тәрбиелеу, қоршаған ортаны таза әрі көрікті ұстауға баулу.

Осындай игі бастамалар арқылы оқушылар табиғатты қорғау тек сөзбен емес, күнделікті нақты әрекеттен басталатынын көрсетуде.

Таза мектеп – таза аймақ!
Табиғатты аялау – баршамызға ортақ міндет!