Әлеуметтік педагогтың 2025–2026 оқу жылының І жартыжылдығы бойынша талдамалы есебі

№17 жалпы орта білім беретін мектеп КММ
Әлеуметтік педагогтың 2025–2026 оқу жылының І жартыжылдығы бойынша талдамалы есебі
Әлеуметтік педагог: Базарова Н.С.
Мақсаты: Оқушылардың әлеуметтік жағдайын бақылау, аз қамтылған және көп балалы отбасылардан шыққан балаларға әлеуметтік-құқықтық көмек көрсету, олардың білім алуына және тынығуына қолайлы жағдай жасау.
1. Жалпы мәліметтер
2025-2026 оқу жылының І жарты жылдығында мектептегі оқушылардың жалпы саны – 799 оқушы. Есепті кезеңде әлеуметтік санаттар бойынша келесідей жұмыстар жүргізілді:

• Тегін ыстық тамақпен қамту:
  • 1-4 сынып оқушылары (жаппай оқыту шеңберінде) – 307 оқушы;
  • 5-11 сыныптар арасындағы әлеуметтік санаттағы (аз қамтылған, көп балалы т.б.) оқушылар – 61 оқушы.
• Ерекше санаттағы балалар:
  • Ата-анасының қамқорлығынсыз қалған оқушылар – 3 (оның ішінде 1 бала патронаттық тәрбиеде).

2. Әлеуметтік көмек және «Мектепке жол» акциясы
Оқу жылының басында дәстүрлі «Мектепке жол» жалпыреспубликалық акциясы ұйымдастырылды. Акция аясында материалдық қолдауды қажет ететін (аз қамтылған, көп балалы және АСП алатын) 8 оқушыға толықтай қажетті кеңсе тауарлары жиынтығы табыс етілді. Бұл шара балалардың оқу процесіне кедергісіз қатысуын қамтамасыз етті.
3. Сауықтыру және демалыс шаралары
Оқушылардың бос уақытын тиімді ұйымдастыру және денсаулығын нығайту мақсатында:

• Көп балалы отбасынан шыққан 2 оқушы Қонаев және Щучинск қалаларындағы республикалық «Балдәурен» оқу-сауықтыру орталығына тегін жолдамамен жіберілді.

4. Жаңа жылдық мерекелік іс-шаралар
Жаңа жыл қарсаңында мектептің Қамқоршылық кеңесінің шешімімен әлеуметтік қолдауды қажет ететін балаларға келесідей мүмкіндіктер берілді:

• Президент шыршасы: Патронаттық тәрбиедегі 1 оқушы жоғары деңгейдегі Президенттік шырша мерекесіне қатысты.
• Қала әкімінің шыршасы: Аз қамтылған және көп балалы отбасылардан шыққан 3 оқушы Семей қаласы әкімінің шыршасына жолдама алып, мерекелік сыйлықтарға ие болды.

5. Демеушілермен жұмыс және қайырымдылық
Мектеп әкімшілігі сыртқы ұйымдармен тығыз байланыс орната отырып, қайырымдылық шараларын белсенді жүргізді:

• «2GIS» ЖШС (ТОО 2gis) басшылығының қолдауымен жағдайы төмен (аз қамтылған, АСП алатын, көп балалы) 5 отбасыға азық-түлік себеттері таратылды. Сонымен қатар, аталған отбасылардағы әрбір балаға жаңа жылдық тәтті сыйлықтар (кульектер) үлестірілді.
• Көрсетілген демеушілік көмек үшін мектеп әкімшілігі тарапынан «2GIS» ЖШС басшылығына арнайы Алғыс хат табыс етілді.

6. «Мейірім» акциясы
Жыл соңында мектеп ұжымы «Мейірім» акциясына біркісідей атсалысты. Акция шеңберінде №17 мектепке бекітілген Балалар үйінің тәрбиеленушісі Ахметов Айдосқа мектеп ұжымы атынан арнайы дайындалған сыйлықтар мен қажетті заттар салтанатты түрде табысталды.
Қорытынды
І жарты жылдықта жоспарланған әлеуметтік шаралар толық көлемде орындалды. Барлық көмек түрлері мен жолдамалар мектептің Қамқоршылық кеңесінің шешіміне сәйкес, ашық әрі әділ түрде бөлінді. Алдағы уақытта да балалардың әлеуметтік құқықтарын қорғау және демеушілерді тарту жұмыстары жалғасын табады.
Әлеуметтік педагог: Базарова Н.С.