Шәкәрім университетінің студенттері облыстық олимпиадада жүлделі ІІ орынды иеленді

Шәкәрім университеті мен Абай облысы білім басқармасының «Өңірлік психологиялық қолдау әдістемелік орталығы» КММ бірлесе ұйымдастыруымен өткен ауқымды іс-шара өз мәресіне жетті.

Ғылым докторы, профессор, көрнекті педагог әрі ғалым Әсемгүл Александровна Молдажанованың атындағы «Серіктестік психологиясы: педагог-психолог және оқушы» атты ІІ облыстық педагог-психологтар олимпиадасында білім мен кәсіби шеберліктерін ұштастырған жас мамандар бақ сынасты.

Олимпиада қорытындысы бойынша жоғары дайындық пен кәсіби біліктілік танытқан Масанова Инна Борисовна және Мусина Дильназ жүлделі ІІ ОРЫН иегерлері атанды.

Жеңімпаздарды марапаттау рәсіміне «Шәкәрім университеті» КЕАҚ Басқарма төрағасы – Ректор Д. Орынбеков және Абай облысы білім басқармасының «Өңірлік психологиялық қолдау әдістемелік орталығы» КММ директоры И. Тагиева қатысып, дипломдарды салтанатты түрде табыс етті.

Бұл жетістік – университетіміздің білім сапасы мен болашақ педагог-психологтарды даярлаудағы жоғары деңгейінің айқын дәлелі. Жеңімпаздарды жарқын жеңістерімен құттықтаймыз және алдағы кәсіби жолдарында сәттілік тілейміз!