Ашық есік күні."Геологиялық барлау колледжі"
2026 жылғы 16 сәуір күні Семей қаласындағы №17 жалпы білім беретін мектептің 9 «Ә» сынып оқушылары Геологиялық барлау колледжінде өткен ашық есік күніне қатысты.
Іс-шараның басты мақсаты – оқушыларға мамандық таңдауда бағыт-бағдар беру, колледждің оқу бағдарламаларымен таныстыру және болашақ кәсіби мүмкіндіктер туралы ақпарат беру болды. Ашық есік күні барысында оқушылар оқу орнының материалдық-техникалық базасымен танысып, заманауи зертханалар мен оқу кабинеттерін аралады.
Сонымен қатар, колледж оқытушылары мен студенттері геология, пайдалы қазбаларды барлау, тау-кен ісі бағыттары бойынша кеңінен ақпарат беріп, өз тәжірибелерімен бөлісті. Оқушылар өздерін қызықтырған сұрақтарын қойып, нақты жауаптар алды.
Мұндай іс-шаралар оқушылардың кәсіби бағдарын айқындауға, болашақ мамандықты саналы түрде таңдауға үлкен ықпал етеді.
