«ББЖМ-ға (МОДО) психологиялық дайындық» тренингі өтті

2026 жылғы 4 мамыр күні мектебімізде 4 «Ә» сынып оқушыларына арналған «ББЖМ-да оқушыларды психологиялық дайындау» атты практикалық тренинг ұйымдастырылды.

Тренингтің негізгі бағыты — оқушылардың Білім алушылардың білім жетістіктеріне мониторингі (ББЖМ) алдындағы үрейін басып, өз күшіне деген сенімін арттыру.

• Стресске төзімділікті қалыптастыру: Қиын сәттерде өзін-өзі басқару дағдыларын дамыту.
• Эмоциялық қолдау: Оқушылардың зейінін шоғырландырып, эмпатия сезімін ояту.
• Сенімділік: Эмтихан тапсыру кезіндегі тиімді стратегияларды меңгерту.

Тренинг барысында оқушылар психологиялық тұрғыдан ширатуға бағытталған бірнеше кезеңнен өтті:

1. «Сәлемдесу» және «Көңіл-күй» суреті: Оқушылар ерекше тәсілдермен (иықпен, тіземен, арқамен) амандасып, көңіл-күйлерін көз жұма отырып ақ қағазға бейнеледі.
2. «Сенімділік бейнесі»: Әр оқушы өзіне күш беретін символдарды салып, ішкі сенімділігін нығайтуды үйренді.
3. «Ми гимнастикасы» және Зейін жаттығулары: «Құлақ-мұрын», «Жалқау сегіздіктер» жаттығулары арқылы мидың екі жарты шарын іске қосып, логикалық ойлауды жақсартты. Екі қолмен бірдей сурет салу тапсырмасы балалардың қызығушылығын ерекше тудырды.
4. Интеллектуалды сергіту: «Тыйым салынған сан» және «Атомдар мен молекулалар» ойындары арқылы оқушылар зейінді шоғырландыру мен топта жұмыс істеуді бекітті.

Тренинг соңында оқушылар «Сенім хатын» жазып, бір-біріне сәттілік тіледі. Рефлексия барысында балалар өздеріне ұнаған жаттығулармен бөлісіп, алдағы сынаққа жақсы көңіл-күймен дайын екендіктерін көрсетті.

Педагог-психолог Базарова Э.Н.

     Сынып жетекші Оразгали А.О.