Мектебімізде білім беру ұйымдарының педагог-ассистенттері үшін «Білім беру ұйымдарында ЕББҚЕ балаларды сүйемелдеу бойынша педагог-ассистенттердің кәсіби құзыреттерін дамыту» тақырыбында курс өтті
Курстың мақсаты: ЕБҚ бар білім алушылардың оқуда/сабақтарда мінез-құлық ережелерін және жеке сүйемелдеу арқылы дербес оқу қызметін орындау қабілетін қалыптастыруда педагог-ассистенттің кәсіби құзыреттілігін жетілдіру.
Бағдарламаның өзектілігі;
2021 жылдың қыркүйегінен бастап қазақстандық мектептерде педагог-ассистент лауазымының енгізілуі педагог-ассистент қызметіндегі қиындықтардың бірнеше факторларын айқындады: Біріншіден, педагогика мен психология қиылысындағы әртүрлі санаттағы ерекше білім беру қажеттіліктері бар балаларды (бұдан әрі - ЕБҚ) сүйемелдеудің айқын, нақты міндеттерін анықтау, 21-ғасырдың икемді дағдыларын дамыту, жеке білім беру бағдарламасын әзірлеуге қатысу, оқушының үлгерім динамикасын бақылау, ерекше баланың ата-аналарымен, сыныптастарымен, мұғалімдерімен ынтымақтастық орнату.
Екіншіден, ЕБҚ бар баланы психологиялық-педагогикалық қолдау бойынша іс-әрекет түрлерін нақты айқындайтын нұсқаулар мен әдістемелік құралдардың жеткіліксіздігі, еліміздің педагогикалық жоғары оқу орындарында осы мамандық бойынша оқыту жүргізілмеуі педагог-ассистент жұмысын едәуір қиындатады.
Үшіншіден, мектепте педагог-ассистент қызметін ерекше қажеттіліктері бар балалармен жұмыс жасау тәжірибесі жоқ, ЕБҚ балаларды сүйемелдеу үшін қажетті психологиялық-педагогикалық білімдері мен дағдылары тиісті деңгейде бола бермейтін педагогтер айналысады. Барлық аталған тиісті тармақтарды ескере отырып, бұл білім беру бағдарламасы әзірленіп, барлық облыстарда өткізіле бастады.
