«№17 ЖОББМ» КММ-де заңсыз қаражат жинауға жол берілмейді

«№17 жалпы орта білім беретін мектеп» КММ әкімшілігі білім беру саласындағы сыбайлас жемқорлықтың алдын алу және ата-аналардың құқықтарын қорғау мақсатында мектеп қабырғасында заңсыз қаражат жинауға қатаң тыйым салынатынын ескертеді.

Мектептің ұстанған басты бағыты — «Адалдық – Ашықтық – Заңдылық». Осыған орай, мектеп директоры Р.Е. Жумаканованың бұйрығымен кез келген мақсатта (мектеп жөндеуі, мұғалімдерге сыйлық, бітіру кештері немесе емтихан кезінде) ата-аналардан немесе қызметкерлерден ақша жинауға толықтай тыйым салынды.

Негізгі шектеулер келесі іс-шараларды қамтиды:

• Бітіруші сыныптардағы мерекелік шаралар мен агенттіктер қызметі;

• Мектеп ұжымына сыйлықтар беру;

• Оқу орнын жөндеу жұмыстарына демеушілік жинау;

• Бітіру кештері мен автошерулер ұйымдастыру.

Мектеп әкімшілігі білім беру процесінің тазалығын сақтауға шақырады. Қаржы жинау фактілері анықталған жағдайда азаматтар бірден сенім телефонына хабарласа алады.

Қосымша ақпарат үшін:

• Байланыс телефоны: 32-17-27

• Instagram: @semey_17mektep

«№17 ЖОББМ» КММ әкімшілігі