Мектепте құқық бұзушылық, буллинг және әлімжеттік мәселелері бойынша жедел жиналыс өткізілді

Білім беру ұйымында 9 «Ә»-сынып оқушыларының арасында орын алған кәмелетке толмағандар арасындағы құқық бұзушылық, буллинг және әлімжеттік фактілеріне байланысты педагогикалық ұжыммен жедел жиналыс өткізілді.
Жиналыстың негізгі мақсаты – аталған келеңсіз жағдайлардың алдын алу, оқушылар арасында қауіпсіз әрі қолайлы білім беру ортасын қалыптастыру, сондай-ақ педагогтардың жауапкершілігін арттыру болды.
Жиналыс барысында:

• орын алған жағдайлар жан-жақты талқыланды;
• құқық бұзушылықтың себептері мен алғышарттары сараланды;
• буллинг пен әлімжеттіктің алдын алу бойынша нақты шаралар белгіленді;
• сынып жетекшілерінің, пән мұғалімдерінің және мектеп психологының бірлескен жұмысы күшейтілетіні айтылды.

Сонымен қатар, оқушылармен жеке және топтық профилактикалық жұмыстар жүргізу, ата-аналармен тығыз байланыс орнату, құқықтық тәрбие беру бағытындағы іс-шараларды жүйелі түрде ұйымдастыру қажеттілігі атап өтілді.
Мектеп әкімшілігі тарапынан білім алушылардың қауіпсіздігін қамтамасыз ету, олардың құқықтарын қорғау және жағымды психологиялық ахуал қалыптастыру бағытындағы жұмыстар алдағы уақытта да жалғасатын болады.