«Study in Kazakhstan» кәсіби бағдар беру көрмесі

2026 жылғы 9 сәуір күні Семей қаласында 11 сынып оқушыларына арналған халықаралық «Study in Kazakhstan» кәсіби бағдар беру көрмесі ұйымдастырылды. Аталған іс-шараны Семей қаласының білім бөлімі ұйымдастырды.

Көрме Шәкәрім университеті базасында өтті. Іс-шараның мақсаты – мектеп бітіруші түлектерге еліміздегі және шетелдегі жоғары оқу орындары туралы ақпарат беру, кәсіби бағдар қалыптастыру және болашақ мамандықты дұрыс таңдауға көмектесу.

Аталған көрмеге қала мектептерінен, оның ішінде №17 мектептің 10–11 сынып оқушылары белсенді қатысып, түрлі жоғары оқу орындарының өкілдерімен кездесіп, білім беру бағдарламалары, грант мүмкіндіктері және қабылдау шарттары туралы толық ақпарат алды.