Семей Медициналық колледж

2026 жылғы 23 сәуір күні Семей қаласындағы №17 жалпы орта білім беретін мектепте 9-сынып оқушыларына арналған профориентациялық кездесу өтті. Аталған шараны Семей медициналық колледжінің өкілдері ұйымдастырды.

Кездесу барысында колледж мамандары оқушыларға медициналық білім беру бағыттары, оқу шарттары, қабылдау талаптары және болашақ мамандықтардың ерекшеліктері туралы жан-жақты ақпарат берді. Сонымен қатар, денсаулық сақтау саласының маңыздылығы мен медицина қызметкерлерінің қоғамдағы рөлі туралы айтылды.

Оқушылар өздерін қызықтырған сұрақтарын қойып, нақты жауаптар алды. Кездесу жасөспірімдердің болашақ мамандықтарын саналы түрде таңдауына бағыт-бағдар берді.