«Қолды байлап әріптесімен күш сынасу» тақырыбында қол күрес үйірмесі өтті

қол күрес үйірмесінің кезекті сабағы «Қолды байлап әріптесімен күш сынасу» тақырыбында өткізілді. Сабақтың негізгі мақсаты – оқушылардың күшін, төзімділігін және дұрыс техника қолдану дағдыларын дамыту болды.

Сабақ барысында оқушылар жұппен жұмыс жасап, қол күрес кезіндегі негізгі қозғалыстар мен әдіс-тәсілдерді тәжірибе жүзінде орындады. Қолды байлап күш сынасу жаттығулары арқылы қатысушылар бір-бірімен бәсекеге түсіп, өз күшін байқап көрді. Сонымен қатар, оқушыларға қауіпсіздік ережелері түсіндіріліп, дұрыс қалыпта күш қолданудың маңыздылығы айтылды.

Үйірме барысында оқушылар өзара қолдау көрсетіп, спорттық рухты сезінді. Жаттығулар арқылы олардың ептілігі, шыдамдылығы және жарысқа деген қызығушылығы артты. Сабақ соңында белсенділік танытқан оқушылар атап өтілді.