"Балдырған" жазғы лагері Абай мұражайына танымдық саяхат ұйымдастырды
2025 жылдың 3 маусымында №17 мектебі жанындағы «Балдырған» жазғы демалыс лагері аясында бастауыш сынып оқушыларына арналған Абай мұражайына танымдық саяхат ұйымдастырылды.
Сапардың мақсаты – оқушыларға қазақ халқының ұлы ақыны, ойшылы Абай Құнанбайұлының өмірі мен шығармашылығын таныстыру, тарихи-мәдени мұраны дәріптеу арқылы патриоттық тәрбие беру.
Мұражайда балалар Абайдың өмір жолы, отбасы, шығармалары, қолданған заттары мен сол кезеңнің тұрмыс-тіршілігі жайлы мол мағлұмат алды. Экскурсия жетекшілері балалардың қызығушылығын оятып, ақын шығармалары бойынша қызықты мәліметтермен бөлісті.
Іс-шара соңында оқушылар алған әсерлерімен бөлісіп, өздеріне ұнаған жәдігерлер жайлы әңгімеледі. Бұл саяхат балалардың тарихи санасын қалыптастырып, мәдени дүниетанымын кеңейтуге үлкен септігін тигізді.
